IG Neue Markthalle Bern

Zäntrale Platz für Viufäutigkeit
und Kreativität

IG Neue Markthalle Bern

Dr Verein „IG Neue Markthalle Bern“ realisiert ä Markthaue, wie’s das so i dr Schwiiz no nid git. Mir verbinge die ungerschidlechschte Agebot wi Gmües- u Früchtemärit, früsche Fisch u Fleisch, innovativi Gaschtrokonzept, Firmäivents, Parties, Konzärt, Chliigwärb bis häre zu Cowörking u Chinderbetröiig – aus a eim Ort.

Bi dr Nöiä Markthaue geits umene Ort, wo dr Name Programm isch: D Schaffig vomäne Marktplatz mit verschiedenschtä Facettä. Die hützutags ursprünglech amuetendi Art vomenä gseuschaftlechä Träffpunkt isch im Trend – grad wüu ire Zit, wo Träffä u Konsum im digitale Ruum immer meh Platz inähme, Mönsche wieder dr diräkt Kontakt zunänang suäche. Ä Markt verkörperet drbi dr Bedarf vom Chund nacheme übersichtleche Agebot, wo vom Produzänt diräkt abote wird.

Häää, IG was bitte?

D „IG Neue Markthalle Bern“ isch ä Verein, wo im Summer 2018 zum Zwäck gründet isch wordä, e Hordä innovativer und engagierter Lüt zämäzbringä, wo sich fürä neui Markthaue in Bärn isetzt.
Lüt us ungerschiedlechschte Fachrichtige si drbi, vor Innovationswäut über Gastroprofis bis hi zu Finänzer.
Sitem Ouguscht träffe mir üs regumässig zu Workshops u Vorstandssitzigä, wo kontinuierläch Themägebiet erarbeitet wärdä, damit mir dr Umsetzig vore nöiä Markthaue immer nöcher chömä.

Vision

Erläbniswäut

Dr Gascht fingt ir Markthaue vom eigentlächä Märitschtang über innovativi Gaschtrokonzept bis häre zu Chliigwärb u Events aus a eim Ort.

Ungernähmer inere nöiä Markthaue ungerschtütze sich gägesitig. Es wird ou ä integriärti Beratig gä, damit Schtartups guet umsorgt si.

Dr Nachhautigkeitsgedankä, sigs bi dr Produktion wi o bim Ungernähmertum wird gschtercht.

Früschmarkt

Dr Früschmarkt vor Nöiä Markthaue Bärn ghört zu dä mobile, nid fixe Skizze vo üsere Gsamtvision. Z finge si regionali Produkt us aune Eggä vor Schwiz und vo Öiropa.

Gastroangebot

Viufaut und Qualität si d‘Devise. Ungerschiedlächi, innovativi kulinarischi Schtilä wärdä hie unger eim Dach z fingä si.

Marktplatz

Verschiedenschti Gwärb söue zur Chundeerfahrig i dr nöiä Markthaue in Bärn bitrage. Vom Schriner zum Maler, vom Kunschtatelier über ds Marketing- und Eventbüro bis hi zu regionale u usländischä Produkt wird hie aues zfingä si.

Events & Konzärt

D Gastro-, Bar- oder Chligwärbsbetriebä söue mit Verastautige die nöii Markthaue in Bärn beriichere. Zudäm si grösseri Events adänkt, siges Konzärt oder aber o Partis, wo bis id Morgästung aduure.

Co-Working & Inno Lab

Ä Cowörking-Space und es Innovations-Läb chönntä das Agebot vor Nöiä Markthaue Bärn abrunde, sodass o ds Schaffä vor Ort, innerhaub vorä asprächendä Erläbniswäut attraktiv gmacht wird. Dä modern Arbeitsplatz cha drbi nöii u unkonventionelli Konzept ufnäh.

Witeri Agebot

Mir hei tuusigi vo Ideenä, wo ire söttige Markthaue ihre Platz chöi finge. Üses Konzept isch flexibu und auzu starch schränke mir üs hüt no nid i.

Mitschtriter

Mir si ä gmischti Gruppä vo huere motiviertä Idealischtä (aues Ur-Bärner, säubschtredend), wo säch zum Ziu hei gsetzt, ä nöii Markthaue u entschprächend dä In-Place nöi ufzgleisä.

Hie fingsch d Lüt, wo aktiv Gas gäbä u ou im Vorschtang si: